कुठलीही गुंतवणूक चांगली किंवा वाईट नसते पण ती करताना तुम्ही तुमच्या आवश्यक गरजांचा विचार केलाय कि नाही यावर तिची तुमच्यासाठी उपयुक्तता ठरत असते. तुमच्यासाठी योग्य गुंतवणूक शोधणं हे फार महत्वाचं आहे कारण चुकीच्या गुंतवणुकीतून पैसे आणि वेळ दोघे वाया जातात. अश्याच गुंतवणुकीचा विविध गुंतवणुक साधनांविषयी पारदर्शक आणि निःपक्ष माहिती या विभागामध्ये आपण वाचू शकता.
थोडा थोडा करून आपण जमवलेला पैसा अश्या आर्थिक संकटांमध्ये अचानक खर्च होऊन जातो आणि आर्थिक जीवनात आपण केलेली प्रगती अगदि थोड्याचं वेळात नाहीशी होते – अश्या घटना टाळण्यासाठी योग्य आर्थिक नियोजनाची नितांत आवश्यकता प्रत्येकालाच आहे.
गुंतवणुकीची कुठलीही योग्य वेळ नसते. तुम्ही तुमच्या आर्थिक आयुष्याच्या सुरवातीला किंवा अगदी कधीही गुंतवणूक सुरु करू शकता. काही कारणास्तव जर तुम्हांला गुंतवणूक करण्यासाठी उशीर झाला असेल तरी त्यामुळं फार्स काही बिघडतं नाही – तुम्ही तेव्हा सुरवात करावी हे महत्वाचं.
गुंतवणूकदारांना सोन्यामध्ये गुंतवणुकीसाठी एक सुरक्षित आणि डिजिटल पर्याय देण्यासाठी भारत सरकारने नोव्हेंबर 2015 मध्ये सार्वभौम सुवर्ण रोखे योजना (SGB) योजना सुरू केली. सोन्याच्या या स्वरूपात केलेली गुंतवणूक आपल्याला भौतिक पद्धतीनं सोनं हाती येत नाही त्यामुळं ते सांभाळण्याचं दायीत्व आपल्यावर नाही पण आपण गुंतवणूक केलेल्या रक्कमेइतके सोनं डिजिटल स्वरूपांत आपल्याला दिले जाते.
मुलींचे भवितव्य उज्ज्वल आणि सुरक्षित व्हावे यासाठी शासनाकडून विविध प्रकारच्या बचत योजना राबविल्या जातात. या बचत योजनांवर आयकर सूट आणि चांगले व्याजदर सुद्धा दिले जातात. जेणेकरून लोकांना या योजनांमध्ये गुंतवणूक करण्यास प्रोत्साहन मिळून मुलींचे भविष्य सुरक्षित करता येईल. सुकन्या समृद्धी योजना (Official Website) एक अशीच खास मुलींसाठी असलेली गुंतवणूक योजना आहे. या योजनेद्वारे, मुलीच्या शिक्षणासाठी … वाचन सुरु ठेवा
EEE Investment Schemes या गुंतवणुकीवर करसवलत, व्याजकमाईवर करसवलत आणि मुदतपूर्तीनंतर सर्व रकमेवर करसवलत – या तीनही पातळ्यांवर करसवलत देतात. या दीर्घ मुदतीच्या योजना उत्तम चक्रवाढ परतावा देण्यासाठी ओळखल्या जातात.
इक्विटी लिंक्ड सेव्हिंग्ज स्कीम किंवा ELSS Mutual Fund योजना या दीर्घ कालीन उद्देशांसोबत, (अपेक्षित पण खात्रीलायक नाही असा) उत्तम परतावा (long term good returns) आणि कर सवलत देतात. स्टॉक मार्केटसंबधातील गुंतवणुकीतून जोखीम स्वीकारायची तयारी असलेल्यांसाठी आणि भविष्यकालीन गरजांच्या निकडीसाठी या योजना एक चांगला गुंतवणूक पर्याय आहे.
जोखीम घेण्याची तयारी नसलेल्या गुंतवणूकदारांनी यांपासून दूर राहिलेलेच बरं.