Passive Income in Marathi

Passive Income In Marathi 1

आपल्या प्रत्येकासाठी नोकरी किंवा व्यवसाय पैसे कमावण्याचं मुख्य साधन आहेत. नोकरीच्या माध्यमातून आपण दरमहा ठराविक उत्पन्न घेत असतो आणि कुणाचा व्यवसाय असेल तर मग मात्र नक्की उत्पन्न किती असेल ते निश्चित सांगता येत नाही. या दोनही माध्यमांव्यतिरिक्त भाड्यामधून येणारं उत्पन्न, व्याज आणि लाभांश (dividend) इत्यादी उत्पन्नाची बरीच साधनांमधून कुणी कुणी उत्पन्न मिळवीत असतात पण यासाठी त्यांनी अगोदर आगाऊ गुंतवणूक वगैरे करून याची सोय केलेली असते.

प्रत्येक महिन्यात अतिरिक्त उत्पन्न मिळविण्यासाठी वेगवेगळ्या मालमत्ता वर्गात (Investment Instruments) योग्य प्रकारे गुंतवणूक केली तर हीच गुंतवणूक तुम्हांला अधिक उत्पन्न देण्याचे साधन बनू शकते.

तर, पॅसिव्ह इन्कम किंवा निष्क्रिय उत्पन्न म्हणजे काय?

पॅसिव्ह इन्कम किंवा निष्क्रिय उत्पन्न म्हणजे असे उत्पन्न ज्यासाठी तुम्हाला सक्रियपणें काम करण्याची आवश्यकता नसते (म्हणून ते निष्क्रिय उत्पन्न).

आपल्या नोकरी किंवा व्यवसायातून काम केल्यानंतर आपल्याला पैसे मिळतात म्हणजे आपण सक्रियपणें काम केलं तरच आपण उत्पन्न घेऊ शकतो – यालाच सक्रिय किंवा ऍक्टिव्ह इन्कम म्हणतात, पण पॅसिव्ह किंवा निष्क्रिय उत्पन्न याच्या उलट काम करते.

तुम्ही केलेली गुंतवणूक तुम्ही कुठलीही इतर मेहनत न घेता व्याजाच्या रूपात वाढतं राहते किंवा तुम्ही प्लॉट वगैरे मध्ये केलेली गुंतवणूक सुद्धा तुमच्या कुठल्या मेहनतीशिवाय वेळेनुरूप तुम्हांला चांगला परतावा देऊ शकते – हि पॅसिव्ह उत्पन्नाची नेहमीच्या बघण्यातली उदाहरणं आहेत.

आजचा विचार केला तर इंटरनेट क्रांती झाल्यापासून आपल्या डिजिटल लाईफ मध्ये असें अनेक नवीन पर्याय उपलब्ध आहेत ज्यांचा वापर करून आणि सुरवातीला थोडी म्हणता घेऊन पॅसिव्ह इन्कम मिळवण्याचे चांगले साधन तुम्ही स्वतःसाठी विकसित करु शकता – या लेखाचा प्रपंच याचसाठी.

Passive Income मिळवण्याचे मार्ग (Passive Income in Marathi)

1. ब्लॉगिंग / Blogging

ब्लॉगिंग आज फारच लोकप्रिय होतं आहे आणि याच कारण म्हणजे तुम्हांला तुमचे विचार, लेखन मुक्तपणे इंटरनेटवर मांडता येतात. तुमचं लेखन जर विशिष्ट्य विषयाला धरून असेल ज्याची लोकांमध्ये चांगली मागणी आहे तर याचा वापर करून तुम्ही चांगली ऑरगॅनिक ट्रॅफिक मिळवू शकत असाल तर या वाचकाचा फायदा तुम्ही संभाव्य ग्राहक म्हणून सुद्धा करू शकाल.

तुमचे कन्टेन्ट लोकांच्या पसंतीला पडले कि तुम्ही ब्लॉग मॉनेटायझेशन करू शकता – एफिलिएट मार्केटिंग, उत्पादनांची जाहिरात किंवा रिव्ह्यू, तुम्ही विशेष सेवा देऊन अश्या कितीतरी पद्धती आहेत ज्यातून तुम्हांला पैसे मिळवता येतील.

ब्लॉगिंग करण्यासाठी तुम्हाला तांत्रिक कौशल्य असलंच पाहिजे असं नाही. ब्लॉगिंग सुरु करण्यासाठी अनेक उपलब्ध प्लॅटफॉर्म्स पैकी जवळपास प्रत्येक प्लॅटफॉर्मवर तुम्ही तांत्रिक कौशल्याशिवाय सुद्धा ब्लॉगची सुरुवात करू शकता. ब्लॉगिंगसाठी वर्डप्रेस हा सर्वाधिक वापरला जाणारा प्लॅटफॉर्म तुम्हाला मोफत ब्लॉग सुरु करण्याची सुविधा देतो अर्थात काही मर्यादेसह.

तुम्ही व्यावसायिक कारणांसाठी जसें तुमच्या व्यवसायाची अधिकारीक वेबसाईट किंवा उत्पादनांच्या मार्केटिंगसाठी ब्लॉग्सचा वापर करणार असाल तर मात्र तुम्ही काही प्रमाणांत पैसे गुंतवण्याची आणि तांत्रिक कौशल्य आत्मसात करण्याची तयारी ठेवली पाहिजे तर तुम्हाला अपेक्षित परिणाम मिळतील.

2. आर्थिक गुंतवणूक आणि लाभांशातून उत्पन्न/ Income from Investments & Dividend

साधारणपणे पॅसिव्ह इन्कम मिळवायचंच आणि ते लवकरात लवकर सुरु करता येईल असा प्रत्येकाचा प्रयत्न असतो पण आर्थिक गुंतवणुकीतुन पटकन पैसे मिळत नाहीत. आर्थिक गुंतवणुक करून पैश्याने पैसा बनवणं हे लॉन्ग टर्म मधेच शक्य आहे.

आता आर्थिक गुंतवणूक करायची म्हणजे बचत आणि गुंतवणूक यांतला फरक ओळखुन आपल्या आवश्यक गरजांचा योग्य अभ्यास करून मगच आपण गुंतवणुक निवडली पाहिजे.

आर्थिक गुंतवणुकीतून आपण उत्पन्न कसे मिळवू शकतो तर त्यासाठी आपण मजबूत, लाभांश देणाऱ्या आणि भविष्यात वाढीची शक्यता असलेले शेअर्समध्ये किंवा लाभांश देणाऱ्या म्युच्युअल फंडात गुंतवणुक, किंवा रेगुलर मासिक उत्पन्न देणाऱ्या योजनांमध्ये पैसे टाकुन आपण पॅसिव्ह इन्कम मिळवण्याची तजवीज करू शकतो.

3. फ्रीलांसिंग / Freelancing

तुमच्याकडं कुठलाही व्यावसायिक कौशल्य किंवा कुठल्या विषयात तुम्ही एक्स्पर्ट असाल तर तुमच्या फावल्या वेळात तुम्ही फ्रीलांसिंग करून आपल्या ज्ञानाचा फायदा करून घेऊ शकता.

फ्रीलांसिंग साठी कुठल्याच विषयाला बंधन नाही.

आपल्याला आपल्या रोजच्या जीवनात अनेक गोष्टींमध्ये अडचत येत असते आणि आपण त्याच उत्तर शोधात असतो – याचा फायदा घेऊन तुम्ही तुमच्या विषयामध्ये चांगली सेवा प्रदान करू शकता. अगदी आठवड्यातील शेवटचे दोन दिवस शनिवार रविवार किंवा नोकरीच्या वेळानंतर तुम्ही थोडा वेळ काढून हे काम करू शकाल. सुरवातीला जम बसण्यासाठी थोडा वेळ लागेल पण पॅसिव्ह उत्पन्न मिळवण्यासाठी हा एक चांगला मार्ग आहे.

4. युट्युब चॅनेल / YouTube Channel

तुमच्या लक्षात आलं असेल तर कोरोना काळानंतर आपल्यापैकी बहुतेकांचा वेळ ऑनलाईन जातो. वेगवेगळ्या विषयांवरील माहिती वाचण्या पाहण्यात आपल्यापैकी बरीच लोक वेळ घालवतात. युट्युब चॅनेल सुरु करण्यासाठी तुम्ही कुठल्या विषयांत खरोखर तज्ज्ञ असणं गरजेचं नाही तुम्ही मनोरंजन म्हणून संगीत, शिकवण्या, रेसिपि, विनोद, चित्रपट रिव्यू अश्या कितीतरी विषयांचा विचार करून विडिओ कन्टेन्ट बनवू शकता. ब्लॉग मॉनेटायझेशन बद्दल सांगितल्या प्रमाणेच गुगलच्या ऍडसेन्स प्रोग्रॅमचा वापर करून किंवा पेड प्रोमोशन घेऊन तुम्ही तुमच्या ट्रॅफिकच्या अनुरूप कमाई करू शकता.

तुम्ही बनवलले व्हिडीओ जितके चांगले आणि जास्त ट्राफिक खेचु शकतील तितकी तुमची कमाई वाढण्याची शक्यता राहील – तेव्हा योग्य अभ्यास करून कुठली कन्टेन्ट जास्त चालतात हे आधी माहिती करून मग तुम्ही युट्युब चॅनेल सुरु करू शकता.

5. ई-बुक प्रकाशन / Publish Your E-Book

पुस्तकं किंवा ई-बुक्स लिहून वर्षानुवर्षं तुम्ही त्यातून रॉयल्टी आणि विक्रीच्या नफ्यातून पैसे मिळवू मिळवणं हा पॅसिव्ह इन्कम साठी एक उत्तम पर्याय आहे. पण, कुठलंही पुस्तक लिहिणं तसें फार कौशल्याधारित आणि वेळखाऊ काम आहे.यासाठी तुमच्या कडे चांगलं लेखन कौशल्य आणि विषय असणे मात्र गरजेचं आहे.

तुम्ही तुमच्या आवडीच्या विषयांवर, तुमच्या छंदावर किंवा अगदीच नीट आखणी करून ज्या विषयाला मार्केटमध्ये वाव आहे असा एखादा विषय निवडून पुस्तक लिखाण करू शकता.

पारंपरिक पद्धतीनं पुस्तक प्रकाशित करणं हे थोडं खर्चिक काम आहे पण आजकाल ई-बुक्स प्रकाशित करण्यासाठी बरीच प्लॅटफॉर्म्स उपलब्ध आहेत.

ई-बुक्स प्रकाशन करण्याचा फायदा असा कि त्यासाठी फार गुंतवणुकीची गरज नाही, तुमच्या विषयाला अनुसरून तुम्ही थोडक्यात असलेलं असं छोटॆखानी पुस्तक लिहू शकता आणि हो महत्वाचं म्हणजे पुनः प्रकाशनाचा खर्च सुद्धा लागणार नाही.

6. छंद व्यवसायामध्ये बदला / Hobby Income

कुठलाही व्यवसाय सुरु करण्यासाठी तुम्हाला नेहमीच युनिक कल्पनेची गरज नसते. तुम्ही तुमचा हॉबी हवंय व्यवसायात सुद्धा बदलू शकता. तुम्ही जर कुठल्याही हस्तकलेच्या वस्तू, पेंटिंग्ज किंवा दागिने, केक्स, होममेड उत्पादनं तयार करता येत असल्यास ते ऑनलाईन विका.

ऍमेझॉन, फ्लिपकार्ट किंवा अशीच इतरही बरेच असे प्लॅटफॉर्म्स आहेत जे एफिलिएट मार्केटींगचे प्रोग्रॅम्स ऑफर करतात आणि तुम्ही त्यांचा वापर करून आपल्या व्यवसायाची घडी बसवू शकता. यासाठी फार मोठ्या किंवा कदाचित कुठल्याच गुंतवणुकीची गरज भासणार नाही पण हो तुमच्याकडे कौशल्य असलं पाहिजे.

इतकच नाही तर तुम्ही या हॉबी इतरांना शिकवण्यासाठी क्लासेस वगैरेचा सुद्धा विचार करू शकता.

7. प्रोजेक्ट वर्कमध्ये सहाय्य करा

तुम्ही कुठलंही तांत्रिक कौशल्यावर काम करीत असलात किंवा तुमचा तांत्रिक कामांत चांगले स्किल्स असतील तर तुम्ही इतरांना त्याच्या प्रोजेक्टच्या कामांत मदत करून एक चांगलं उत्पन्न मिळवू शकता.

वेब डिझायनिंग, ग्राफिक्स, सर्च इंजिन ऑप्टिमायझेशन, डिजिटल मार्केटिंग अश्या तांत्रिक विषयांबद्दल सेवा देणाऱ्या कंपन्यांचे सेवा दर हे जास्त असतात आणि हि काम तांत्रिक कौशल्याची आहेत जर तुम्ही कमी दरात चांगली सेवा देत असाल तर तुम्हाला खचितच कामाची कमतरता पडणार नाही.

याशिवाय, बरेच इंजिनिअरिंगचे किंवा माहिती तंत्रज्ञान शाखेतील विद्यार्थी त्यांच्या प्रोजेक्टसाठी चांगल्या कल्पना, मार्गदर्शनाच्या शोधात असतात, तुम्ही याच शाखेत काम करत असाल किंवा तुम्हांला या गोष्टींचं नॉलेज असेल तर तुम्ही त्यांना मार्गदर्शन देऊ शकता.